salah send meseg

salam semuo. apo koba orang nisimilan cakap kan? nak kato den ni expert spekang nogori tak jugak. adek den power gilo. pokek nak mamp! den tak power. adik den sumo power. makan podeh pun dio power. den makan podeh sikit mulo lah ulang alik masuk tandeh. tu dulu. tapi sokarang den balun yo podeh podeh. apak lak tak macho kan org nisimilan tak makan podeh? buek malu yo jadi orang nisimilan. kot abang baco bondo ni. "silo lah amek iktibar yo bang. abang tu org nisimilan bang. bukan orang kolumpo. sos pun kato podeh. goli bona bulu hidung den dongar" HAHA

cam ni lah cito den, den nak gak tanyo kek ekau sumo ni hah, ponah tak tosalah send meseg? alahh mosti ponah punyo lah. iyolah meseg ekau nak bagi kek gerpren/boypren "sayang abang rindu dan cinta sayang" tuptaptuptap dapek kek kawan kau si polan bin si polan. umanggg aii monjeret lah ekau sekuek hati biar bagi satu taman/kampung dongar bahawa ekau dongan jayo nyo tolah salah send meseg. jangan buek cengitu yo jang daro. kut jiran ado sakit jantung. pengsan toruih. kawan ekau si polan yang dapek meseg tu lak tosengeh.

lopeh tu mulo lah toraso macam nak mong ghaibkan diri sokojap sobab malu kan? kut bulih handphone tu pun ekau nak baling kek dinding. padahal kawan ekau yang si polan tu sikit pun tak nampak muko merah monyalo ekau.HAHA

alah den borani cakap lah. semuo orang pun ponah salah anta meseg kan? den pun ponah yo. tapi den kaver bajet bajet cool. padahal dalam hati den monyalahkan diri sendiri yang rakuih nak send meseg. HAHA. apak men malu maso tuuu. nasihat den. kut salah bagi meseg kaver itu ponting! ingek tuuu

okay lah ontah lah jadah apo den merepek dalam bahaso nogori ni. kut paham baguih lah. kot tak paham buek buek lah paham yo. den tahu den tulis pun tunggang langgang ni hah. tapi sekurang kurang nyo "eden toraii tulih" HAHA

okay lah bai :)